Bubuhan anggota dprd kota banjarmasin batagih wan pamarintah kota minta sadiakan komputer tablet sajanis ai pet ( ipad) .Kasubag bandahara dprd banjarmasin kada mangaramputakan rancana handak manukarakan sabanyak 45 buting ipad gasan bubuhan anggota dprd kota banjar masin . Dipadahakan jua rancana manukarakan ipad sudah dimasukakan di kadalam anggaran, yakni gasan sabuting ipad diharagai sambilan juta satangah .
Jadi mun anggaran manukar ipad ditambah 2 buting laptop gasan sakratariat maka jumlah duitnya barataan 431 juta dua ratus ribu rupiah. Samantara itu budi suryadi dosen di fakultas fisip unlam pamakaian ipad wayahini sudah marupakan kabutuhan dalam bagawi, namun nang jadi tatakunan apakah gasan kaparluan anggota dprd atau wakil rakyat tadi layak maminta atas nama kalambagaan atawa paribadi .
Sabagian warga Masyarakat umpat takajut mandangar habar bubuhan anggota dprd nang jadi wakilnya maminta ipad ka pamarintah kota, sabab mustinya manukar saurang mamakai duit gajih saurang jua. ngini sudah digajih pakai duit rakyat imbah tu masih haja batagih minta tukarakan ipad pakai duit rakyat , jar salah saurang warga kota banjarmasin.
Lihat yg lebih 'menarik' di sini !
Follow @wisbenbae